Q. ᑭᓲᖕᒪᑦ HUNTERcourse.com ᐱᔭᕇᖅᓯᓂᕐᒧᑦ ᐸᐃᑉᐹᖅ?

A. ᐱᔭᕇᖅᓯᔾᔪᑎ ᑐᓂᔭᐅᓲᖑᔪᖅ ᐱᔭᕇᕐᓂᕈᕕᐅᒃ ᓄᓇᕗᒻᒥ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᖅ ᐃᑭᐊᖅᑭᕕᒃᑯᑦ.

Q. ᓱᔭᕆᐊᖃᕋᒃᑯ ᐱᔭᕇᖅᓯᔾᔪᑎ?

A. ᐱᔭᕇᖅᓯᔾᔪᑎ ᑭᓇᐅᓂᕐᓂᒃ ᓄᓇᕗᒻᒥᐅᑕᐅᓂᕐᓂᒡᓗ ᓇᓗᓇᐃᖅᓯᔾᔪᑏᑦ (ᓲᕐᓗ, ᓄᓇᕗᒻᒥ ᐋᓂᐊᕕᓕᐊᕈᑎ, ᐊᖁᑦᑐᖅᓯᐅᑎ, ᓇᓗᓇᐃᖅᓯᔾᔪᑎᑐᐃᓐᓇᕐᓗ) ᓇᒃᓴᕆᐊᖃᖅᑕᐃᑦ ᑲᑎᖃᑎᒋᓕᕈᕕᐅᒃ ᓄᓇᔅᓯ ᐆᒪᔪᓕᕆᔨᖓ.

Q. ᖃᓄᖅ ᐊᑑᑎᖃᕐᒪᑦ ᐃᓕᓐᓂᐊᕐᓂᖅ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᖅᑕᐅᔭᕆᐊᓕᒃ ᐃᑭᐊᖅᑭᕕᒃᑯᑦ?

A. ᐃᓕᓐᓂᐊᖅᑎᓪᓗᑎᑦ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᕐᒥᒃ, ᐃᓕᓐᓂᐊᕋᑦᓴᓕᒫᑦ ᐃᓕᓐᓂᐊᕈᓐᓇᖅᑕᑎᑦ ᐊᑲᕐᕆᓗᑎᑦ ᐊᖏᕐᕋᕐᓂᑦ.

Q. ᖃᓄᐃᓕᐅᕆᐊᖃᖅᐳᖓ ᐱᔭᕇᖅᓯᑦᑎᐊᕈᓐᓇᖁᓪᓗᖓ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᕐᒥᑦ?

A. ᐱᔭᕇᖅᓯᔪᓐᓇᖅᐳᑎᑦ ᐱᔭᕇᖅᓯᔾᔪᑎᑖᕈᑎᒥᒃ ᒪᕐᕉᖕᓂᒃ ᐊᑐᕐᓗᑎᑦ:

  1. ᐃᓕᓴᓗᒍ ᐱᔭᕇᕐᓗᒍᓗ ᓄᓇᕗᒻᒥ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᖅ
  2. ᑲᑎᖃᑎᒋᓗᒍ ᓄᓇᔅᓯᓐᓂ ᐆᒪᔪᓕᕆᔨ ᓇᓗᓇᐃᖅᓯᓂᐊᖅᑐᖅ ᓄᓇᕗᒻᒥᐅᑕᐅᓂᕐᓂᒃ

Q. ᖃᖓ ᐃᓕᓐᓂᐊᕈᓐᓇᕋᒃᑯ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᖅ?

A. ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᖅ ᖃᖓᑐᐃᓐᓇᑦᑎᐊᒃᑯᑦ ᐃᓕᖕᓄᑦ ᐊᑐᐃᓐᓇᐅᔪᖅ.

Q. ᖃᓄᖅ ᐱᔭᕇᑦᑎᐊᕈᓐᓇᕋᒃᑯ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᖅ?

A. ᐱᔭᕇᑦᑎᐊᕈᓐᓇᖁᓪᓗᑎᑦ ᐃᑭᐊᖅᑭᕕᒃᑯᑦ ᐊᖑᓇᓱᒃᑎᐅᓂᕐᒧᑦ ᐃᓕᓐᓂᐊᕋᑦᓴᕐᒥᑦ ᐱᔭᕇᖅᓯᔾᔪᑎᑖᖁᓪᓗᑎᓪᓗ, ᐊᕕᒃᓯᒪᓂᖏᑦᑎᒍᑦ ᐃᓕᓐᓂᐊᕋᑦᓴᐃᑦ ᐱᔭᕇᖅᑕᐃᓐᓇᕆᔭᕆᐊᖃᐸᑎᑦ ᑎᑎᖅᑖᕐᓗᑎᓪᓗ 80%-ᒥᒃ.

Q. ᐊᑭᖃᖅᐸ ᐊᖑᓇᓱᒃᑎᐅᓂᕐᒧᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᕋᑦᓴᖅ?

A. ᐋᒃᑲ. ᐃᑭᐊᖅᑭᕕᒃᑯᑦ ᐃᓕᓐᓂᐊᕋᑦᓴᖅ ᐃᓕᓐᓂᐊᖅᑐᒧᑦ ᐊᑭᖃᖏᑦᑐᖅ.

Q. ᐊᓯᐅᔨᕕᐅᒃ HUNTERcourse.com ᐱᔭᕇᖅᓯᓂᕐᒧᑦ ᐸᐃᑉᐹᖅ?

A. ᐊᓯᐅᔨᒍᕕᐅᒃ ᐸᐃᑉᐹᖅ ᐃᑭᐊᖅᑭᕕᒃᑯᑦ ᐃᓯᕈᓐᓇᖅᐸᑦ ᖃᐅᔨᓴᖅᑕᐅᕖᑦ ᓴᖅᑭᑎᓪᓗᒍᓗ ᐸᐃᑉᐹᖅ ᓄᑖᖅ. ᖃᐅᔨᒃᑲᐅᑎᒋᔪᓐᓇᕆᕗᑎᑦ HUNTERcourse.com ᐅᕗᖓ 1-866-495-4868 ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ [email protected] ᓄᑖᒥᒡᓗ ᓇᒃᓯᐅᔾᔨᕕᒋᓂᐊᕆᕙᑦᑎᒋᑦ ᐸᐃᑉᐹᕐᒥᑦ.

Q. ᐃᓱᓕᕝᕕᖃᖅᐸ ᐃᓕᓐᓂᐊᕋᔅᓴᖅ ᐃᑭᐊᖅᑭᕕᒃᑯᑦ?

A. ᖃᖓᓕᒫᖅ ᐃᓕᓐᓂᐊᕈᒪᓕᕈᕕᐅᒃ ᐃᑭᐊᖅᑭᕕᒃᑯᑦ ᐃᓕᓐᓂᐊᕈᓐᓇᖅᑕᐃᑦ ᐅᓪᓗᒃᑯᑦ ᐅᓐᓄᒃᑯᓪᓘᓐᓃᑦ. ᑭᓯᐊᓂ, ᐃᓕᓐᓂᐊᕇᕆᐊᖃᖅᑕᐃᑦ ᐅᓪᓗᑦ 90 ᓈᓚᐅᖏᓐᓂᖏᓐᓂ, ᐃᓯᕈᓐᓇᐃᓪᓕᓂᐊᖅᑕᐃᑦ ᐃᓕᓐᓂᐊᒐᖅ ᐃᓱᓕᓐᓂᐊᕐᒪᓪᓕ.